Mga larawang nagbibigay
kulay sa mundo kong itim. Bangkang minsan nang lumubog, inayos at ginamit pa
rin. Bagay pa rin sa'yo yung tali mong mukha kang taga-Pegasus. Ako? Ito, nandito
pa rin --- nagmamahal pa rin sa'yo, Ay sus.
Natatandaan
ko pa nung kumain tayo sa isang restawran na malapit sa Tagbilaran, order mo pa
nga'y Chicken Beef na may Chao fan. Ewan ko ba kung bakit ka biglang umiyak,
dala siguro ng akads o ika'y nabiyak, biyak sa pagod ng buhay o buhok na hindi
na nasuklay? Pintang hindi man lang pinagpugay. Umuwi ka noon na wasted, parang
lalaking uminom dahil na basted. Sinundo ka ng papa mo noon, naka motor. Ako
naman ay umuwing naka roller blades.
Nakatitig
pa rin ako sa salamin na minsan mong pinag-ayusan. May bakas pa nga ng lipstick na parang pinamana ng iyong ina
eh. Para bang bintanang naka bukas sa kahit sinong nais tanawin ito, pero, para
sa akin lamang. Para kang araw na sa bawat paglubog mo’y may gandang nais
iparating at sa bawat pagsulyap mo nama’y ramdam ko’y tindig at tinig. Ibong
kumakanta sa aking mga tainga. Tubig na nagbibigay buhay – tulay sa
makabuluhang buhay.
Sa
bawat oras na kasama ka para bang wala na akong mahihiling pa. Okay na bes, perfect na lahat. Samahan mo pa ng awitin ni Ed Sheeran na
Perfect, s’wak.
Gusto kitang yakapin at
sabihing akin ngunit tila ba’y nagising
ako sa isang panaginip na minsan ako’y nadakip sa masikip at nangingitil na
hindi ko kailanman gustong tumigil.
Oo,
ang puso mo’y may barikada, Peksman. Pinag – aralan ko na kung paano makaka trespass d’yan. Parang laro, may mga
lebel, Siguro, nasa ‘Boss Level’ na
ako, noong andiyan na, last round na,
biglang namatay.
Gusto
kitang yakapin at hawakan ang iyong mga kamay ngunit tila ba’y huli na ang
lahat. Sumuko ka na. Ako? Hindi pa eh. Lumalaban pa sa isang madugong labanan
na ang sarili lamang ang kalaban.
Naaalala
ko pa rin nung una mong sabi sa akin na, ‘ayusin mo nga yang buhok mo’
Ito,
maayos na, naka – pomade pa nga eh, pero nasa’n ka na?
Pumupunta
pa rin ako sa lugar kung saan tayo kumain noon, dala – dala ang Chicken Beef
samahan mo pa ng Chao Fan.
Umaasa na mabalik ang lahat mula sa nakaraan. Pero wala na atang 'turn to reverts' eh
Ikaw
lamang ang gusto kong makasalo malapit sa Tagbilaran, kahit ilang order pa ng
paborito mong pares, Kahit ilang order pa ng Chicken Beef at Chao Fan. Kahit na
masusuka – suka ka pa riyan. Basta makasama lang kita, okay na ang lahat. Peksman. Cross my heart. Tapon susi
Ikaw
ang paborito kong kasalo sa pagkain, hiramin mo balikat ko kung iiyak ka ah.
Ito, hindi pa rin ako nakatatayo sa aking mga paa, ikaw naging pundasyon ko eh. Para bang naging baldado ako nung sinabi mo, "Paalam"
'Di ko na ipipilit ang sarili ko, ang plastik 'no? Ito nga pala yung panyo ko, punasan mo na yang luha mo.
o baka luha ko?
Wala
nang iba; ikaw at ikaw pa rin; ako pa rin sana
